Սեզոնային փոփոխության հետ փոխվում է ոչ միայն զգեստապահարանն ու տրամադրությունը, այլև մաշկի վիճակը ՝ անկախ դրա տեսակից:
Ձմռանը եղանակը ցուրտ է և քամոտ: Նման եղանակին ճարպագեղձերը արտադրում են ավելի քիչ ենթամաշկային ճարպ, և երբ գտնվում ես սենյակային չոր ջերմաստիճանում մաշկի հիդրոլիպիդային հավասարակշռության և պաշտպանիչ պատնեշի կտրուկ խախտում է տեղի ունենում, և զգայունությունը սրվում է: Արդյունքում, մաշկը սկսում է ճաքճքել, կարմրել և տհաճ զգացողություն առաջացնել:
Արտաքին գործոններից բացի, տեղի է ունենում մարմնի ներքին վերակազմավորում `կապված սեզոնային հորմոնալ տատանումների հետ, ինչը ազդում է մաշկի նյութափոխանակության վրա:
Այս փոփոխությունները դժվար է անտեսել, ուստի պետք է վերանայել ամենօրյա խնամքի պարագաները:
Մի քանի խորհուրդ, թե ինչպես խնամել մաշկը ձմռանը.
Պաշտպան՛ի մաշկդ ջրի հետ շփման ընթացքում
Փորձի՛ր լոգանքից կամ ցնցուղից առաջ կիրառել մաքրող յուղային միջոց և այն թո՛ղ երեսիդ այդ ընթացքում: Այնուհետև արդեն խոնավ մաշկին կիրառիր խնամքդ: Դա կօգնի պահպանել մաշկիդ խոնավությունը և այն կդարձնի ավելի առաձգական:
Յուրահատուկ ուշադրություն ցուցաբերի՛ր աչքերիդ շուրջ հատվածի և շուրթերիդ խնամքին
Աչքերի շուրջ հատվածի համար օգտագործիր շիճուկներ և յուղեր, որոնք հանգստացնում և պաշտպանում են: Մշտապես կիրառիր շրթունքներիդ բալզամ:
Խուսափիր ալկոհոլի պարունակությամբ մաքրող միջոցներից:
Օգտագործիր պարագարներ յուղային տեքստուրայով: Եթե մաշկդ շատ չոր է, ապա նախքան կոսմետիկ միջոցի կիրառումը լվա երեսդ ջրով: Օգտագործիր վիտամին C պարունակող շիճուկ, այն նպաստում է կոլագենի արտադրությանը և բջիջների վերականգմանը: Գտիր այնպիսի խնամքի պարագաներ, որոնք պարունակում են ուժեղ խոնավեցնող բաղադրիչներ. Վարդի ազդր, սոյա և ժոժոբա:
Ներառիր լիպիդներ խնամքիդ մեջ:
Կարևոր է ձեռք բերել խոնավեցնող միջոց, որը պարունակում է լիպիդներ և հակաօքսիդիչներ: Խաղողի սերմի յուղով պաշտպանող բաղադրիչներով սննդանյութերը խորհուրդ են տրվում քանի որ այն պահպանում է մաշկի հավասարակշռությունը ցուրտ եղանակին:
Շաբաթը երեք անգամ մեղրի հիմքով դիմակ օգտագործիր
Կիրառիր այն երեկոյան դիմահարդարումդ հեռացնելուց հետո: Մեղրը բնական խոնավեցնող միջոց է: Սա մաշկիդ առողջ փայլ հաղորդելու լավագույն բնական միջոցն է :
Պետք է մի կողմ դնել ագրեսիվ մաքրող միջոցները, էթիլային սպիրտի բարձր պարունակությամբ պրոդուկտները, ինչպես նաև այն ամենը, ինչը մաշկին չորություն է հաղորդում: Այնուամենայնիվ, ձմռանը արևապաշտպան միջոցները չպետք է մոռացության մատնվե: Ցուրտը հաճախ ուղեկցվում է արևով, որի ուլտրամանուշակագույն ճառագայթները չեն կորցնում իրենց գործունեությունը: Հիշի՛ր ՝ ցանկացած առաջարկ կամ խորհուրդ կարդալիս, պետք չէ մոռանալ անհատական հատկությունների մասին, կարգավորի՛ր խնամքդ ՝ ելնելով դրա կարիքներից:
