Անկախ նրանից դու ունես օծանելիքի հանդեպ մոլեռանդություն, թե նոր ես սկսել հետաքրքվել բույրերով, հաճախ քեզ համապատասխանող բույր գտնելը կարող է անհաջող փորձ դառնալ:
Օծանելիքի վաճառասեղանին մոտենալիս քո առջև դրված ցանկացած բույրի մասին միակ կարծիքը, որ կարող ես կազմել, իր սրվակի դիզայնն է, որը հաճախ քեզ ոչինչ չի ասում:
Քեզ մնում է միայն փորձել խանութում առկա տասնյակ օծանելիքները, արդյունքում խառնել բոլոր բույրերն ու ի վերջո ձախողել ճիշտ բույրի ձեռքբերումը :
Ճիշտ ընտրված օծանելիքը իսկապես կարող է դառնալ քո մի մասնիկը և քո ինքնալրացումը:
Իսկ ինչպե՞ս գտնել այն մեկը, որը հենց քեզ համար է ստեղծված:
Մենք առանձնացրել ենք քեզ համար մի քանի գաղտնիք, թե ինչպես է պետք մոտենալ օծենլիքն ընտրելու հարցին.
Հետազոտի՛ր
Դու ես քո միակ ճիշտ խորհրդատուն, քանզի միայն դու գիտես քո սեփական նախասիրությունները:
Հետազոտի՛ր, ուսումնասիրի՛ր և բացահայտի՛ր քո սիրած բույրերը, անգամ այն ամենում, ինչը շրջապատում է քեզ ամեն օր:
Եթե դեռ նոր ես և բոլորովին ծանոթ չես օծանելիքներին, մտածի՛ր քո կյանքում արդեն առկա մյուս հաճելի բույրերի մասին, հատկապես նրանց, որոնք օգտագործում ես մարմնիդ վրա :
Միգուցե դա կոկոսն է, որն օգտագործում ես մազերդ լվանալիս, կամ լվացքի թարմ հոտը, անգամ ծխախոտի բույրը կարող է դառնալ բանալի, որը կբացի մյուս բույրերի հանդեպ քո նախասիրությունը:
Այս ամենը կարող է լինել քո իդեալական բույրը գտնելու հիանալի ելակետ :
Եթե արդեն գտել ես բույր կամ որևէ նոտա, որը ցանկանում ես օգտագործել որպես բանալի, քո օծանելիքը ընտրելիս, միշտ կարող ես փնտրել համացանցում կամ պարզապես այցելել Բուրմունք խանութ-սրահ. մեր աշխատակիցները միշտ պատրաստ են քեզ ուղղորդել և տալ խորհրդատվություն ցանկացած նոտայի և բույրի վերաբերյալ:
Օծանելիքի ընտրությունը պետք է նաև հարմարեցված լինի քո առօրյային և ապրելաոճին:
Գրասենյակային միջավայրում ավելի ողջունելի են թեթև ծաղկային կամ ցիտրուսային բույրերը, քան կծուն կամ փայտայինը: Պետք է նաև հաշվի առնել ինտենսիվությունը, արդյոք ցանակնում ես մյուսները նկատեն քո բույրը, թե միայն դու:
Հենց ունենաս քեզ համար նախընտրելի նոտաների խումբ, սկսի՛ր օգտագործել դրանք որպես ուղեցույց:
Եթե քեզ դուր է գալիս վանիլը, փորձի՛ր այլ գուրման նոտաներ, ինչպիսիք են ՝ մեղրը, նուշը կամ շոկոլադը, և այնուհետև նոր անցիր ցիտրուսային կամ ծովային նոտաների, որոնք պատկանում են ամբողջությամբ այլ բույրերի ընտանիքի:
Փորձի՛ր օծանելիքը ճիշտ եղանակով
Իհարկե եթե արդեն անցել ես օծանելիքի ընտրությանը, նախ անհրաժեշտ է այն փորձել մաշկի վրա:
Ցողի՛ր օծանելիքը զարկերակիդ այն կետում, որտեղ մաշկդ տաք է, օրինակ դաստակիդ, որպեսզի բույրը խառնվի մաշկիդ հետ և տաքանալու արդյունքում հայտնվի:
Շատ կարևոր է, որ բույրը մաշկի հետ խառնվի: Օծանելիքի բույրն իրեն բացահայտում է մարդու մաշկի հետ քիմիական ռեակցիայի ընթացքում, ինչն էլ ժամանակ է պահանջում:
Շատերը սխալվում են և բույրը փորձում են զգալ ցողալու առաջին իսկ վայրկյաններին, սակայն իրական բույրն իրեն զգացնել է տալիս 15-30 րոպեների ընթացքում:
Պատճառը, թե ինչո՞ւ կարող է նույն օծանելիքը երկու տարբեր մարդկանցից տարբեր կերպ բուրել, կայանում է նրանում, որ բույրերը զգայուն են լույսի, ջերմաստիճանի և նույնիսկ մարդու մարմնի քիմիայի, սննդակարգի, հորմոնալ մակարդակի նկատմամբ:
Նույնիսկ օրվա ժամը ուղիղ կապ ունի, թե որքան երկար օծանելիքը կպահպանվի քո վրա, որքան ուժեղ կամ թույլ կլինի և ինչպես կբուրի:
Քանի որ օծանելիքի բույրի վրա կարող են ազդել շրջակա միջավայրում առկա հազարավոր երևույթներ, հարկավոր է այն ցողել օրվա տարբեր ժամերի ՝ հասկանալու, որ ժամանակում է այն քեզ ավելի շատ դուր գալիս :
Օծանելիքն օգտագործելիս մի շփիր այն:
Շփումից առաջանում է ջերմություն, որն ավելի արագ է կոտրում մոլեկուլները, որի արդյունքում կարող ես բաց թողնել բույրի իրական բացահայտման նուրբ պահը:
Իդեալական բույր գտնելը կարող է դժվար լինել, բայց եթե գիտես, թե ինչ ես փնտրում և ինչպես այն գտնես, փորձը կարող է հաճելի լինել, հատկապես, երբ զինված ես բույրերի և նոտաների մասին գիտելիքներով:
