Մաշկի խոնավացումը վաղուց արդեն դարձել է ամենօրյա խնամքի անբաժանելի մասը:
Ցանկացած տեսակի մաշկ կարիք ունի խոնավացման, անկախ նրանից այն չոր է, յուղոտ, նորմալ թե կոմբինացված:
Արի՛ հասկանանք ինչու է սա այսքան կարևոր:
Մաշկի պատշաճ խոնավացումը դրա երիտասարդության գրավականն է
Մարդու մաշկի 2/3-ը բաղկացած է ջրից, որի մեծ մասը գտնվում է խորը շերտերում, իսկ մյուս մասը `վերին, էպիդերմիսի եղջերային շերտում:
Օրգանիզմում վիտամինների և տարբեր նյութերի պակասի հետևանքով, մաշկը կարող է ջրազրկվել, ինչը հանգեցնում է դրա ժամանակից շուտ ծերացման: Բնական խոնավացման գործոնը (NMF) պատասխանատու է մաշկի խոնավության երկարատև պահպանման համար: NMF-ի կազմի մեջ կան բաղադրիչներ, որոնք գտնվում են էպիդերմիսի եղջերային շերտում և ժամանակին զուգահեռ դրանց մակարդակը նվազում է: Կոլագենը նույնպես կարևոր դեր է խաղում, սակայն տարիների ընթացքում օրգանիզմը սկսում է այն ավելի ու ավելի քիչ արտադրել : Օպտիմալ խոնավության մակարդակի հասնելու համար անհրաժեշտ է խթանել դրա արտադրությունը կոսմետիկ պարագաների միջոցով:
Հաճախ ջրազրկման պատճառ կարող է հանդիսանալ նաև ոչ պատշաճ խնամքը, տարբեր թթուների և ալկալիների օգտագործումը, որոնք խաթարում են լիպիդային շերտը և հանգեցնում փոքր ճաքերի առաջացմանը: Հիմնականում այս խնդրին բախվում են յուղոտ մաշկ ունեցողները, ովքեր իրենց խնամքում պարբերաբար կիրառում են չորացնող միջոցներ: Մաշկի բնական խոնավացման գործոնը և կոլագենի մակարդակը պահպանելու համար անհրաժեշտ է լրացուցիչ միջամտություն խոնավացնող միջոցների տեսքով:
Հիմա արի՛ հասկանանք, ինչպես պետք է ընտրես քեզ համապատասխանող խոնավացնող միջոցը:
Խոնավացնող միջոց ընտրելը հեշտ չէ, և ընկերների ու բլոգերների առաջարկությունները միշտ չէ, որ համընկնում են այն ամենի հետ, ինչ քեզ իրականում անհրաժեշտ է: Յուրաքանչյուր խոնավացնող միջոց իրականում շատ տարբեր նպատակների կարող է ծառայել, և սխալ ընտրությունը կարող է վնասել կամ պարզապես անարդյունավետ լինել քեզ համար:
Նախորդ մեր գրառումներից մեկում մենք արդեն խոսել ենք մաշկի տեսակների մասին, եթե արդեն պարզել ես քո մաշկի տեսակը, ապա քեզ բավականին հեշտ կլինի ընտրել դրան համապատասխան խոնավացնող միջոց, իսկ եթե դեռ չգիտես, թե որն է քո մաշկի տեսակը, կարդա՛ մեր նախորդ գրառումը և վերադարձի՛ր :
Ինչպե՞ս ընտրել խոնավացնող կրեմ
Չոր մաշկը ավելի խորը խոնավացման և սնուցման կարիք ունի, քանի որ այն ավելի հակված է գրգռման, թեփոտման և վաղ կնճիռների առաջացման: Ընտրի՛ր հարուստ տեքստուրաներով քսուքներ և բաղադրության մեջ փնտրի՛ր ակտիվ սնուցող և վերականգնող բաղադրիչներ ինչպիսիք են ՝ Հիալուրոնաթթու, պեպտիդներ, ալֆա լիպոաթթու, կոլագեն, ռետինոլ, վիտամին C, պանթենոլ, յուղեր, խոտաբույսերի էքստրակտներ և ծովային բաղադրիչներ: Բացի այդ, չոր մաշկը պետք է ամբողջ տարվա ընթացքում պաշտպանված լինի ուլտրամանուշակագույն ճառագայթներից, այնպես որ փնտրի՛ր նաև SPFբաղադրիչը:
Նման խոնավացնող միջոցների օրինակ է Clarins ապրանքանիշի Hydra-Essentiel Rich Cream For Very Dry Ski
Յուղոտ մաշկը պահանջում է նույնիսկ նորմայից ավելի շատ խոնավություն, այն պատճառով, որ բավարար խոնավությունը ճարպագեղձերը բալանսավորված է պահում, որքան քիչ է մաշկի խոնավություն, այնքան բարձր է յուղայնությունը: Սակայն խոնավացնող միջոց ընտրելիս ուշադիր եղի՛ր, որ տեքստուրան հնարավորինս թեթև լինի, առանց թաղանթ թողնելու, և կազմը պետք է լինի սննդարար, բայց միևնույն ժամանակ ոչ կոմեդոգեն (այսինքն ՝ ծակոտիները չխցանող և բորբոքում չառաջացնող) բաղադրիչներ: Բացի ստանդարտ խոնավացնող բաղադրիչներից, ինչպիսիք են հիալուրոնաթթուն, գլիցինը և ալոեն, ուշադրություն դարձրո՛ւ սալիցիլաթթվի և ցինկի առկայությանը (վերացնում է բորբոքումն ու չորացնում), ծծմբին (ախտահանում և հանում է փայլը), նաև երիցուկի, կանաչ թեյի, պանթենոլի, ածուխի (հալեցնում և ներծծող) առկայությանը:
Այս դեպքում առաջակում ենք ELEMIS ապրանքանիշի Pro-Collagen Marine խոնավացնող միջոցը:
Նորմալ մաշկին անհրաժեշտ է օպտիմալ խոնավության հավասարակշռություն և պաշտպանություն շրջակա միջավայրի ագրեսիվ գործոններից:
Օգտագործի՛ր սերուցք, որը սնուցում, վերականգնում և կարգավորում է ճարպի արտադրությունը, չի խցանում ծակոտիները և հանգստացնում է:
Բաղադրիչների շարքում փնտրի՛ր ստանդարտ խոնավացնող բաղադրիչներ ՝ հիալուրոնաթթու, գլիցերին, ալոե, ջրիմուռների քաղվածքներ, ջերմային ջուր:
Նորմալ մաշկի համար առաջարկում ենք Biotherm ապրանքանիշի Aquasource Hydration Gel խոնավացնող միջոցը:
Կոմբինացված մաշկը, թերեւս, պահանջում է նուրբ խնամք, քանի որ այն խնդրահարույց է թվում միայն որոշ հատվածնրում: Խնամքի միջոցը պետք է խոնավացնի, սնուցի և հեռացնի եղած ավելորդ ճարպը : Լավագույնն այս դեպքում հանգստացնող բուսական բաղադրիչներով պրոդուկտներն են, ինչպիսիք են հալվեի, վարունգի, երիցուկի, կալենդուլայի քաղվածքները: Բացի այդ, կազմը կարող է պարունակել թեթև յուղեր, սալիցիլային և հիալուրոնաթթու, վիտամին E. Հաճախակի ապրանքանիշերը արտադրում են քսուքներ ՝ «չոր և կոմբնացվծ մաշկի համար» կամ «յուղոտ և կոմբինացված մաշկի համար»: Այս դեպքում արժե կենտրոնանալ դեմքի վիճակի վրա: Արդյո՞ք ունես շատ բորբոքում, ուժեղ փայլ,թե որքան են ընդլայնված ծակոտիները, և արդյո՞ք այն արագ սկսում է «յուղոտել»:
Կոմբինացված մաշկի համար լավ տարբերակ է Clarins ապրանքանիշի Multi Active Day Cream, որը կարող ես օգտագործել և՛ նորմալ, և՛ կոմբինացված մաշկի դեպքում:
Խոնավացումը մաշկի խնամքի հիմնական ասպեկտներից մեկն է: Այն վերականգնում է առաձգականությունը, երիտասարդությունը, վերացնում է կնճիռները, յուղոտ փայլը և օգնում է քեզ ավելի թարմ և խնամված տեսք ունենալ:
