ՄԵՐ ԱՌԱՔԵԼՈՒԹՅՈՒՆԸ
Ամեն օր մենք օգտագործում ենք գեղեցկության ուժը՝ կյանքի կոչելու այն հնարավորությունները, որոնք առկա են մեզանից յուրաքանչյուրի ներսում` ոգեշնչելով յուրաքանչյուր հաճախորդի լինել մեր մեծ ընտանիքի մաս: Մեր շարունակական փորձի, նորարարության և ձեռնարկատիրական ոգու միջոցով Բուրմունքը հաճախորդներին խրախուսում է ուսումնասիրել գեղեցկության և առողջության տիեզերքը՝ լինելու գեղեցիկ և գեղեցկացնելու աշխարհը:

ՄԵՐ ՏԵՍԼԱԿԱՆԸ

Դառնալ գեղեցիկին մոտ և գեղեցիկ լինելու ամենացանկալի ճանապարհը:Մենք ցանկանում ենք կառուցել տարածաշրջանային բրենդ, որն իր մեջ է միավորում լավագույն բույրերն ու կոսմետիկ միջոցները, խնամքի թերապիաների և խորհրդատվական ծառայության ամենավստահելի կենտրոնը: Մեր բլոգը, որը վարում է մեր փորձառու մասնագետների թիմը, կդառնա մեր հաճախորդների գեղեցկության հանրագիտարանը, որը կպատասխանի նրանց ցանկացած հարցին:

ՄԵՐ ԱՐԺԵՔՆԵՐԸ

Մեր մնայուն արժեքները մեր հաճախորդներն են, նրանց երջանիկ ու անկեղծ ժպիտները, որոնց հանդիպում ենք մեր սրահներում: Տեսնել ձեզ գեղեցիկ, ինքնավստահ և սիրով լի մեր լավագույն գնահատականն է, որը ոգևորում է մեզ ստեղծելու և դառնալու ավելի լավը, պարգևելու ձեզ ներքին և արտաքին ներդաշնակ գեղեցկության բանալին:

ՄԵՐ ՍՐԱՀՆԵՐԸ

Բուրմունքի պատմությունը սկսվում է Սայաթ-Նովա 11 հասցեից: Այստեղ է հիմնադրվել մեր առաջին սրահը՝ դառնալով խորհրդանշական վայր, որտեղ բաբախում է Բուրմունքի սիրտը: Հետագայում սրահներ են բացվել Երևանի տարբեր հատվածներում: Այժմ սրահները վեցն են՝

Սայաթ-Նովա 11

Կոմիտաս 22

Կոմիտաս 39

Մաշտոց 37

Հյուսիսային Պողոտա 11-40

Աբովյան 21

Սակայն այս շարքը շարունակական է: Մեր հաճախորդներին լավագույն սպասարկումն ու ապրանքատեսականին ապահովելու համար մենք նախատեսում ենք ընդլայնվել և
ԲՈՒՐՄՈՒՆՔԻ ՏՈՆԸ ՀԱՍՑՆԵԼ ԲՈԼՈՐԻՆ:

ԲԱՐՁՐԱԿԱՐԳ ՍՊԱՍԱՐԿՄԱՆ

Մեր բարձրակարգ սպասարկման հիմքում ընկած է տարիների ընթացքում մշակված փորձառությունը, որը պարբերաբար ուղեկցվում է մեր գործընկեր-ապրանքանիշերի որակավորված փորձառու մասնագետների կողմից վերապատրաստական դասընթացներով: Փորձի համատեղ փոխանակումը բերում է բազմաթիվ նոր միջոցների և կիրառման մեթոդների բացահայտմանը: Սա ամենապարզ բացատրությունն է այն անվերջանալի տոնի, որը ստեղծում են մեր պրոֆեսիոնալ մասնագետ-խորհրդատուները՝ փոխանցելով իրենց ողջ գիտելիքն ու խորհուրդները` մեր հաճախորդների կարիքներին և նախասիրություններին համապատասխան

ՏԵՂԵԿԱՏՎՈՒԹՅՈՒՆ ԿՈՒՏԱԿԱՅԻՆ ՔԱՐՏԵՐԻ ՄԱՍԻՆ

Բուրմունք կուտակային քարտ կարող է ձեռք բերել յուրաքանչյուր հաճախորդ ցանկացած գնման դեպքում։ Ամեն գնման հետ քարտին ավելանում է դրան համարժեք գումար։

300 000 դրամ կուտակելու դեպքում կուտակային քարտը դառնում է 10% զեղչի քարտ։

1 մլն դրամ կուտակելու դեպքում զեղչը դառնում է 20%:

Ձեր զեղչի քարտերը գործում են բոլոր բրենդների համար բացառությամբ՝ Aim To Care | Clinians Geomar | Davines | Erlea | Lav | L'Oreal Professional | Mercedes-Benz | Olaplex | Pama-Dama | SVR

*L'Occitane բրենդի դեպքում կիրառվում է առավելագույն 15% զեղչ, եթե Դուք ունեք 20% զեղչի քարտ։

Այսուհետ կարող եք ձեռք բերել կամ ավելացնել Բուրմունքի Ձեր կուտակային քարտը Apple Wallet-ում կամ Google Wallet-ում՝ պարզապես անցնելով հղումով։ https://burmunk.pmdsolutions.org/create-pass